علق المستشار مرتضى منصور، رئيس نادي الزمالك، على واقعة اشتباك الإعلامي أحمد شوبير والمعلق أحمد الطيب على الهواء مباشرة في برنامج «العاشرة مساءً» موضحًا أنه «حزين مما حدث».
وجاء تعليق «منصور» في مداخلة هاتفية مع الإعلامي خالد الغندور في برنامج «اللعبة الحلوة مع بندق» على قناة LTC بعد سؤال وجه له «هل فعلًا الاستاذ وحيد ابن أخت حضرتك و4 محامين توجهوا مع الأستاذ أحمد الطيب امبارح في قسم العجوزة؟»
ورد رئيس الزمالك قائلًا: «بص أنا مسؤول عن نفسي كمرتضى منصور، وحيد ده محامي وله اسمه وليه مكتبه، أنا معرفش مين اللي راح مع أحمد الطيب، بس اللي أعرفه إن أحمد الطيب لما حدثت محادثة بيني وبينه أنا اعتذرتله بمنتهى الأدب والاحترام عشان لا تتحول القضية مرتضى وشوبير وتتحول القضية أهلي وزمالك».
وأضاف: «هو شوبير انفعل امبارح مش عشان الأهلي خالص هو شوبير انفعل امبارح عشان قال لك إن زوجتي اسمها اتقال، مش اكتر من كدة، عشان مانتاجرش بقصة أهلي وزمالك، لا شوبير لما انفعل إرجع لو الفيديو عندك قال له سيب اسم مراتي رغم إن أحمد الطيب لم يذكر زوجته الفاضلة بأي سوء، ده كل اللي قاله إن أنت لما جالك دعوة من قطر طلبت إن زوجتك الفاضلة وبنتك يروحوا معاك، مقالش كلمة فيها إساءة ليهم».
واختتم: «أنا حزين للي حصل امبارح، وأنا قلت لأحمد الطيب لو أنا دخلت في القضية وبقيت محاميك هتبقى القضية أهلي وزمالك، هيبقى مرتضى وشوبير، مرتضى بيصفي حسابات مع شوبير، وأنا اتنازلته بعد تدخل السيد رئيس الجمهورية مكنش أيامها طبعًا رئيس جمهورية».
https://www.youtube.com/watch?v=CZ0Sn1M-CaI
