توقع الخبير الفلكي محمد فرعون ما سيحدث للفنانين والمشاهير في عام 2015، أثناء حلوله ضيفًا على الإعلامي عمرو الليثي في برنامج «بوضوح»، على قناة الحياة، وذكر أن 3 نجمات سيتزوجن في السنة الجديدة.
وقال: «عندنا شيرين عبدالوهاب هتبقى متوسطة الحظوظ بتاعتها واحتمال يبقى فيه إعلان لزواج ليها، عندنا غادة عبدالرازق الحظ السنة دي معاها مش تمام هيتخلى عنها مش هيبقى مرفقها وهيبقى عندها أخبار برضه مش كويسة».
وعن هيفاء وهبي قال: «هيفاء برضه عندها زواج السنة دي، يعني على ما أتوقع والفلك ما بيتوقعلها، إن هيبقى عندها زواج من رجل اقتصاد خليجي مش مصري».
وتابع: «عندي برضه تامر حسني الحظوظ بتاعته مش حظوظ كبيرة السنة دي».
واستكمل: «حورية فرغلي عندها برضه السنة دي ارتباط وزواج، وعلى المستوى الفني النجاحات بتاعتها برضه عندها أخبار سارة، فالحظ معاها».
واستطرد: «عندنا باسم يوسف هيعود من جديد ولكن مش هيحقق النجاحات هيبقى برضه متواجد على الساحة ولكن غير متشاف بالمرة، فالحياة معاه مش تمام يعني، عندنا برضه رانيا يوسف الحظ معاها حلو السنة دي، عندها حظوظ حلوة ونجاحات كبيرة ممكن تحققها، بس تخلي بالها في ناس ممكن يتقربوا منها يعملولها مشاكل كبيرة، يعني عندها مشكلة في الحتة دي».
وقال: «نيللي كريم السنة دي عندها بعض المشاكل على المستوى الأسري، برضه الحياة محتاجة منها شوية شغل كبير».
وأضاف: «أحمد حلمي بنقول برضه السنة دي سنة مش كبيرة بالنسبة له، ولكن هي سنة تابعة حتى البرج بتاعه العقرب عندهم حظوظ بس ولكن السنة دي برضه هيبقى رتم الحياة عنده مش الكبير أوي، هيبقى عنده بعض العراقيل، أما جورج وسوف بنقوله عنده الأعمال الفنية بتاعته تكاد تكون منعدمة والتألق بتاعه مش المطلوب وعنده مشاكل صحية».
