استضافت الإعلامية إسعاد يونس، خلال برنامج «صاحبة السعادة» الذي تقدمه على قناة «سي بي سي»، الفنان سيد رجب، وتحدثت معه عن الأدوار المتعددة التي جسدها ولم يردعه حاجز السن، مشيرة إلى أنه لعب دور الأب وكذلك الشاب العاشق، وعلقت «يونس» على دور الـ«جان»، بطريقة أحرجته كما جعلته يعترف بكونه ليس الشاب الوسيم الملائم للدور لكنه جسده وأقنع به الجمهور.
وقالت «يونس»: «السنة اللي فاتت حضرتك نبص نلاقيك عامل دور أب نطع ومش عارف إيه في مسلسل أفراح القبة، ده ملعبك زي حارة اليهود، وبرضو إزاي كنت طالع بلطجي في حارة اليهود! إزاي بلطجي وانت رفيع كده؟، لكن يا أخي صدقتك، حتى الصورة دي ما كانتش معتادة، وبعدين قمت قاهر الزمن والطبيعة أنك تعمل جان وحبيب، مش حاجة وحشة، لكن برضو ما انتاش الراجل اللي بالشعر الأصفر والعينين الدبلي، شخص مصري طبيعي جدًا».
ويرد عليها عقب ذلك قائلا: «مش كده؟! دي حاجة وحشة أوي، بس ده مش غريب، أعتقد أنا متهيألي أن الممثل بيشوف الشخصية واحد وحش زي كده أو مش جان أه بس من حقي أن أنا أحب وأعبر عن حبي وأنتقم من حبيبتي وأنا أرى أن الممثل ممكن يعمل كل الأدوار»، وحاولت «يونس» أن توضح ما أرادت قوله «مش قصدي أقلك وحش والله ما أقصد، قصدي أقول مش عينيه دبلي».
