كشف الفنان أحمد فلوكس، عن وقوعه فريسة لأعمال الدجل والسحر من امرأة كان على علاقة بها من قبل، وذلك لإخفاء بعض أفعالها التي كانت لا ترغب في إخباره بها.
وقال «فلوكس» خلال استضافته في برنامج «واحد من الناس» المذاع على قناة «الحياة» الفضائية: «البنت دي تاريخها كله كده، وهي صديقة مذيعة في مجال الإعلام، وأعمالها خلتها تخطف زوج أختها وتخليه يطلقها ويتجوزها، وبعدها بـ 6 أشهر اكتشف الراجل ده إنها بتخونه وبتعمله أعمال».
وأضاف «فلوكس»: «الزميلة الإعلامية دي حذرتني إنها بتعمل أعمال لكن أنا مكنتش بصدق، وتخلصت من السحر ده لما قربت من ربنا، عشان كده لما احبسها هشكرها علشان خلتني أخد حقي».
وأردف «فلوكس»: «الست دي بتعملي عمل كل يوم، ومش عارف أواجها لأن مفيش حاجة ملموسة، والقانون في مصر مبيخلكش تقدر تحبس الشخص ده، والسحر ده كان له تأثير على حياتي الفنية والشخصية، والطاقة الإيجابية وإنتاجي وقبولي وفني كله اتأثر بسبب السحر».
واستطرد «فلوكس» خلال حديثه: «أنا من السحر شعري ذقني بقى لونه أبيض ولما السحر اتفك شعر ذقني رجع أسود تاني، وأقسم بالله أنا صادق مش بعمل عليكم فيلم، لدرجة إن كان ليا حلقة في الإعلام صوتي كان متغير فيها، ده كان السحر بدأ يتملكني».
وتابع «فلوكس» حديثه: «أنا معروف عني إن أنا قوي، وقلبي حلو، لكن لما السحر تملكني مبقتش بعرف أقوم من السرير، الست دي أنا أتجوزتها بعد هنا شيحة وغدرت بيا».
وأتم: «كنت بصرح لها شعرها يوميًا لمدة سنة وكنت شايف شعرها ناعم ولما فوقت عرفت إنها قرعة».
