قال سيد سائق ميكروباص بالسويس إن المنطقة التي يعيش فيها بها محطتين للمعاشات والتأمين الصحى، وذات مرة وهو سائق الميكروباص شاهد رجل وزوجته مسنين يبلغ عمرهم فوق ال 70 عاما، ويظهر عليهم الإجهاد من السير في الطريق، معلقا: «مسندين بعض والماشية صعبة جدا وهيمشوا حوالى سبعة كيلو».
وأضاف السيد على، في مداخلة هاتفية ببرنامج «8 الصبح» المذاع على فضائية «دى أم سى»، أنه اقترح عليهم توصيلهما قائلا «يا جماعة مش جايين معانا الأربعين»، ولكن كان رد الزوج «إحنا مش معانا فلوس يا حاج».
وأشار إلى أن هذا الموقف جعلنى أبكى من شدة ما وصل إليه هذا الرجل الفقير وزوجته، قائلا: «مع العلم أن الأجرة تساوى جنيه ونصف فقط»، معلقا «توصل عزة نفس المواطن المصرى سنه فوق السبعين سنة أنه ميقدرش يروح لسواق ميكروباص يقوله ركبنى أنا مش معايا فلوس»، لافتا «أنه نزل من السيارة وقبل الرجل وزوجته وأخدهم بالسيارة ولن يتركهم».
وأوضح سائق ميكروباص أن فكرة ركوب المسنين والمعاشات مجانا جاءته من «مبادرة الرئيس عبدالفتاح السيسى لأصحاب المعاشات للركوب بنصف تذكرة للمواصلات العامة»، معقبا «قولت ليه معملش زى الرئيس وأركب كبار السن وأصحاب المعاشات مجانا وأكتب كده على الميكروباص، لإن هؤلاء كبار السن هم عظماء مصر وراحوا ومش هيرجعوا تانى وهم اللى ربونا وعلمونا الأدب».
وتابع، «أنا مبسوط جدا والإيراد زاد عندى 3 مرات من وقت ما كتبت الركوب مجانا للمعاشات»، وفى ناس بدأت تتصل بيا وبدأت تكتب على عربيتها زى ما أنا كاتب وهنكبر المبادرة «، إحنا لازم نقف جنب بعض والبلد هتبقى جميلة ونخاف عليها ونحبها».
